Variables motivacionais, autoeficacia e enfoques de aprendizaxe en relación co rendemento académico do alumnado de bacharelato
- Autores: Indalecio Ramudo Andión
- Directores de la Tesis: Juan-Carlos Brenlla-Blanco (dir. tes.), Alfonso Barca Lozano (dir. tes.)
- Lectura: En la Universidade da Coruña ( España ) en 2015
- Idioma: gallego
- Número de páginas: 372
- Tribunal Calificador de la Tesis: Manuel Peralbo (presid.), María A. Muñoz Cadavid (secret.), Antonio López Castedo (voc.)
- Materias:
- Enlaces
- Tesis en acceso abierto en: RUC
-
Dialnet Métricas: 6 Citas
- Resumen
A motivación foi adquirindo cada vez máis importancia no ámbito educativo como variable influente na aprendizaxe do alumnado e no seu rendemento académico. Mediante este estudo pretendíase analizar, por unha banda, o tipo de variables motivacionais, autoeficacia e enfoques de aprendizaxe adoptados maioritariamente polo alumnado de bacharelato, e pola outra, indagar en qué medida as variables motivacionais e autoeficacia influían sobre o seu rendemento, directamente ou, tomando como referencia o modelo 3P de Biggs, a través dos enfoques de aprendizaxe; estudando esta relación diferencialmente por sexo e especialidade. Para a realización desta investigación contouse cunha mostra composta por 1.505 alumnos/as de bacharelato das catro provincias galegas, a cal procuramos que fose o máis representativa posible da poboación galega desta etapa educativa, en canto á súa distribución por sexos, especialidades e provincias. Logo das análises estatísticas realizadas, descubriuse que este alumnado adoptaba variables motivacionais máis relacionadas co enfoque de orientación superficial e co rendemento positivo que co enfoque de orientación ó significado e con aprendizaxes de calidade. Isto manifestábase dunha maneira máis clara, respecto ó sexo, nos homes fronte ás mulleres, e respecto ás especialidades, nas de ámbito humanístico fronte ás científico-tecnolóxicas.
