A representación das mulleres na prensa galega: análise de La Voz de Galicia e Faro de Vigo (2010-2020)

• Autores: Clara Sánchez Vázquez
• Directores de la Tesis: Ana Belén Fernández Souto (dir. tes.), Teresa Piñeiro-Otero (codir. tes.)
• Lectura: En la Universidade de Vigo ( España ) en 2025
• Idioma: gallego
• Tribunal Calificador de la Tesis: Natalia Quintas-Froufe (presid.), María Isabel Míguez González (secret.), José Carlos Losada Díaz (voc.)
• Programa de doctorado: Programa de Doctorado en Comunicación por la Universidad de Vigo
• Calificación: Sobresaliente Cum Laude
• Materias:
  • Ciencia política
    • Opinión publica
      • Prensa
  • Sociología
    • Sociología del trabajo
      • Sociología de los medios de comunicación de masas
    • Grupos sociales
      • Posición social de la mujer
• Enlaces
  • Tesis en acceso abierto en: Investigo
• Resumen

  • A presente tese analiza a presenza e o tratamento das mulleres nos dous principais diarios galegos de información xeral, La Voz de Galicia e Faro de Vigo, entre os anos 2010 e 2020, desde unha perspectiva de xénero e mediante unha metodoloxía de análise de contido cuantitativo-cualitativa. O estudo estrutúrase en dúas dimensións: por unha banda, a representación das mulleres como suxeitos informativos; por outra, a súa presenza como autoras e produtoras de contido xornalístico.

    A mostra recolle máis de 3.000 pezas informativas publicadas nas edicións impresas de ambos xornais durante tres momentos clave -2010, 2015 e 2020- mediante a técnica da semana construída. Así mesmo, analizáronse máis de 5.000 suxeitos informativos presentes nas pezas seleccionadas. Codificáronse variables relativas ás características supratextuais e textuais das noticias, atendendo aos roles desenvolvidos polas mulleres tanto como protagonistas das informacións coma como produtoras das mesmas.

    Os resultados mostran unha clara infrarrepresentación das mulleres como suxeitos informativos e unha forte segregación, tanto vertical coma horizontal, no desempeño do seu papel profesional nos medios. En conxunto, a análise evidencia a persistencia dunha estrutura mediática fortemente androcentrista, que reproduce estereotipos e mantén amplos marxes de desigualdade. Esta realidade non se corresponde coas conquistas sociais acadadas polas mulleres nos últimos anos nin cos avances impulsados polos movementos feministas e polas recomendacións internacionais en prol da igualdade nos medios de comunicación.