Resumen de Achegamento a unha análise de libros de texto de coñecemento do medio natural, social e cultural
María Asunción Lorenzo Rial, María Mercedes Álvarez Lires, Azucena Arias Correa, Uxío Pérez Rodríguez
O libro de texto é o material curricular, utilizado por unha maioría de profesorado, que en moitos casos dirixe os procesos de ensinanza e de aprendizaxe. Desta maneira, este manual pasa de ser “un recurso” dentro da aula a ser “o recurso”, eclipsando o papel que debe desenvolver o pro-fesorado e anulando o papel principal que o alumnado debe ter dentro do seu propio proceso de ensinanza e de aprendizaxe. Por esta razón considérase de grande interese marcar liñas xerais de análise para revisar e comprobar ata que punto estes manuais escolares cumpren coa normativa vixente, en concreto na etapa de Educación Primaria dentro da área de Coñecemento do Medio Natural, Social e Cultural.
