Resumen de Eleaniztasun gehigarriaren erronka: HUHEZIko hizkuntza plangintza Irakasle Ikasketetan
María Pilar Sagasta Errasti, Karmele Perez Lizarralde, Begoña Pedrosa Lobato, Eneritz Garro Larrañaga
Tradizio handiko fakultatea da HUHEZI euskaraz irakatsiko duten irakasle euskaldunak formatzen, eta euskalduntasun hori izan da, hain zuzen ere, urtetan fakultatearen identitate-zeinu nagusietako bat. Gaur egun, ordea, ez da nahikoa euskarazko formazioa, ezta euskarazko konpetentzia altua lortzea ere. Izan ere, aniztasunaren aroak hizkuntzari ere eragin dio eta dagoeneko gure hizkuntza-xedeak eta xede horiek bermatzeko bideak hirukoiztu egin dira: etorkizuneko irakasle eleaniztunak nahi ditugu, hiru hizkuntzatan txukun moldatuko direnak eta horrek eragin du curriculuma ere, neurri garrantzitsu batean, xede horien karietara egokitzea, alegia, hiru hizkuntzei toki esanguratsua egitea. Horretara nola iritsi garen eta hori nola antolatu dugun azaltzea izango da lan honen helburua.
