Resumen de Euskal Autonomia Erkidegoko Lehiakortasunari buruzko 2023ko Txostena: Ingurumenaren aldetik jasangarria izango den lehiakortasunerako trantsizioa
Susana Franco Rodríguez (coord.), James Ralph Wilson (coord.), Mari Jose Aranguren (coord.), Aitziber Elola Ceberio, Jorge Fernández Gómez, Juan Pablo Gamboa Navarro, Ane Izulain Alejos, Macarena Larrea Basterra (coord.), Jaime Menéndez Sánchez, Asier Murciego Alonso, Eduardo Sisti, Imanol Aizpuru Arruti, Mikel Albizu Echevarria, Maddalen Alkorta Elzo, Ainhoa Arrona Etxaniz, Arkaitz Badajoz, Naia Begiristain Etxezarreta, Martha Patricia Canto Farachala, Pablo Costamagna, Samuel Delbon, Ibone Eguia Aguirre, Miren Estensoro García, Andrea Fuentetaja, Antonio García, Itziar García Blazquez, Mikel Gaztañaga Cinto, Claudia Icaran, Miren Larrea Aranguren, Usue Lorenz Erice, Edurne Magro Montero, Stephanía Mosquera López, Romina Rébola, Javier Retegi Albisua, Eva Sánchez Cambra
Ziurgabetasun handiko egoeretan, nahitaezkoa da bai azken urteetako emaitzak eta bai lehiakortasunaren oinarriak ongi ulertzea. Ongizatea helburu duen lehiakortasun esparrua erabilita, Euskal Autonomia Erkidegoko Lehiakortasunari buruzko 2022ko Txostenak Erkidegoko egoera aztertzen du, unean uneko egoera gaindituta, etorkizuneko lehiakortasuna sendotuko duten ekintzak identifikatzeko helburuarekin. Txostenaren lehen kapituluan, Euskal Autonomia Erkidegoaren jardunaren diagnostiko eguneratua aurkezten da, bai ongizatearen dimentsioetan eta bai ekonomia eta enpresa dimentsioetan. Hurrengo bi kapituluetan, Euskal Autonomia Erkidegoko egiturazko ingurunearen funtsezko bi dimentsio aztertzen dira: egitura ekonomikoa (2. kapitulua) eta demografia eta pertsonen balioak (3. kapitulua). 4. kapituluan, Euskal Autonomia Erkidegoko lehiakortasunaren sei palanka dinamikoei lotutako adierazle nagusien bilakaera aztertzen da. Palanka bakoitzean ekintza zehatzak identifikatzeaz gainera, Txostenak zeharkako lehentasunezko bost ekintza proposatzen ditu, enpresen, gobernuen eta beste eragile batzuen jarduna gidatzeko.
