Resumen de Os balnearios de Galicia: descubre as súas posibilidades para a saúde

Lorena Casal Otero, María del Carmen Fernández Morante, Beatriz Cebreiro López, Alba-Elena Martínez-Santos, Juan Jesús Gestal Otero

• A auga é un elemento necesario para a vida, sen ela esta non é posible, e nela orixinouse a vida.Un tipo especial son as augas mineromedicinais ou augas termais, utilizadas desde a antigüidade para o tratamento de numerosas patoloxías. A cura termal resulta moi útil no tratamento de numerosas patoloxías crónicas do aparello locomotor, respiratorio, da pel, e doutros órganos. Galicia conta cunha enorme riqueza en augas mineromedicinais e dispón de máis de 300 mananciais e 21 balnearios nos que se pode encontrar alivio para as doenzas, repouso e benestar.A Universidade de Santiago de Compostela conta desde 2009 cunha Cátedra de Hidroloxía Médica, que foi creada coa finalidade de fomentar a docencia, investigación e difusión dos coñecementos no campo da Hidroloxía Médica.Unha das actividades é esta guia, que pretende axudarlle ao profesorado a achegar o alumnado dos últimos cursos de primaria e dos primeiros da ESO ao coñecemento da importancia da auga para a vida e, en especial, das augas mineromedicinais e as súas aplicacioóns na promoción da saúde, no tratamento das enfermidades e na procura do benestar. Consta de cinco apartados nos que se combinan texto e enlaces con diferentes materiais didácticos dixitais.