Resumen de Atención ao paciente migrante

Ronsel N. Fernández Suárez, Laura Bodelón Díez, Flora Miranda Pena

• A consulta do paciente migrante supón un reto para os profesionais de Atención Primaria. A comorbilidade social, o dó migratorio, as patoloxías pouco frecuentes no noso medio ou as barreiras idiomáticas son algunhas das dificultades ás que nos enfrontamos nestas consultas. Ademais, en ocasións descoñecemos se o paciente ten dereito a asistencia sanitaria, e no caso de tela, se é gratuíta.

  Con este artigo pretendemos dar resposta a algunhas das preguntas que máis frecuentemente nos formulamos á hora de atender a un paciente migrante. Por outro lado, queremos tamén reivindicar a necesidade de atender a persoa tendo en conta o seu contexto social e familiar, así como realizar unha atención culturalmente apropiada, tentando ver máis aló da patoloxía orgánica. Deste xeito, poderemos diagnosticar, previr e tratar enfermidades de xeito máis eficaz, e realizar unha atención de calidade.