Itziar Azkue Irigoyen, Leire Urcola Carrera
Komunikazio honen bidez MiriadaX plataforman ekintzailetzari buruzko Online Ikastaro Masibo Ireki bat (MOOC ingelesez) diseinatu eta abian jartzearen esperientzia aurkeztuko da. Ekintzaile izatearen hainbat ezaugarri eta web orrian negozio ideia martxan jartzea jorratu dituen ikastaroaren lehen edizioa 2016ko otsailean eskaini zen; 8.698 pertsonek eman zuten izena, %55,2ak hasi zuen eta %13,73ak bukatu zuen. Bestalde, partaideen gehiengoa latinoamerikarra da (%62), gizon eta emakumeen artean aldea egonik ere ez da gehiegizkoa izan (%54 gizonak eta %46 emakumeena), %40a 25 eta 40 urte artean dago eta oso portzentaje altuan, %87an, goi mailako formakuntza dute. Ondorengo ataletan MOOCen testuingurua aurkeztuko da eta ekintzailetzari buruzko ikastaro zehatz honen helburuak, diseinua eta emaitza garrantzitsuenak adieraziko dira, hainbat inkesten bidez jasotako nabaritasunak eta foroen bidez helarazitako informazioa erabiliz. Azkenik, hurrengo ekitaldietarako hobetu beharreko hainbat ekintza aipatuko dira, helburuetako bat hezkuntza formalaren osagarria izateko aukera izanik, hau da Online Ikastaro Txiki Pribatua ere bilakatuz, ingelesez SPOC.
© 2001-2024 Fundación Dialnet · Todos los derechos reservados