Resumen de Hizkuntz ereduen porrota frogatu da.

Miren Lore Erriondo Corostola, Xabier Isasi Balanzategi, María José Azurmendi Ayerbe, Xabier Mendiguren Bereziartu

• Euskararen normalkuntzan egiteko handia eman zitzaion eskolari. Haurrak, gazteak, etorkizuneko belaunaldia eskolan euskaldunduko zela sinesten zen bete-betean. Baina ez da berma segurua izan. Derrigorrezko Hezkuntza bukatzen duten 16 urteko gazteek ez dute lasai gelditzeko moduko euskara mailarik lortzen, ez EAEn, ez Nafarroan eta ez Iparraldean. Denok susmatzen genuen, denok genekien, baina neurketa bat egiteak eta datuak edukitzeak beste dimentsio bat eman dio arazoari. Kontzientzia hartzeko balio izateaz gain, balio beza aldaketak egiten hasteko eta emaitzak aldatzea lortzeko.