Resumen de Koro Navarrorekin hizketan
Elkarrizketa honetan, Koro Navarrok euskarazko itzulpengintzan sakon sustraituriko bere ibilbideaz jardutean, lekukotasun eskerga eskaintzen du XX. mendearen amaierako eta XXI. mendearen hasierako euskal itzulpengintzaren ingurukoez, lanbidearen beraren gaineko zenbait alderdi tekniko eta teoriko begi zorrotzez aztertzeaz gain. Itzulpengintza eta euskalgintza elkarri estu loturik daudela frogatzen ere du, han-hemenka bere biografiaz ematen dituen argibide eta zertzeladek ezinago hobeto erakusten dutenez. Bestalde, urre gorrizko aholku eta pentsakizunak eskaintzen dizkie itzultzaile hasiberri nahiz eskarmentudunei, Korok etengabe zapaltzen duen bidetik jo nahi balezate.
