Resumen de Mecanismos reguladores da competencia para a rexeneración de raíces adventicias en especies leñosas
Pode loitarse contra o declive dos soutos coa micropropagación de exemplares seleccionados, pero para iso cómpre supera-lo estado de recalcitrancia ao enraizamento que desenvolve o castiñeiro durante o cambio de fase. Elaborouse un protocolo abaratado de micropropagación, analizouse o efecto de diversas hormonas (auxinas, xiberelinas e etileno) e compostos (NPA, PBZ, AgNO₃, STS, H₂O₂, 3,4-MDPU, EGTA e Charkor) no enraizamento e leváronse a cabo experimentos de transcritómica que identificaron xenes implicados na adquisición da competencia para este proceso. Os resultados indican que as xiberelinas inhiben o enraizamento adventicio en material xuvenil mentres que o etileno é o responsábel desta inhibición no material adulto e, en ambos casos, actúan mediante a interacción co transporte e sinalización das auxinas.
