Con este traballo de investigación afondamos no coñecemento da ecografía abdominal no gando vacún leiteiro. Realizamos a avaliación funcional do fluxo sanguíneo do fígado e dos riles mediante ecografía Doppler e a exploración ecográfica transabdominal en modo B das glándulas adrenais. O fluxo da vea porta é turbulento de alta velocidade, mentres que a vea cava cranial e as veas hepáticas presenta un fluxo laminar. No tocante ó ril, o estudo do fluxo permite achegar uns valores de corte para os índices de resistencia, que permitirán ó veterinario clínico e/ou investigador diferenciar entre un ril san dun enfermo. O protocolo utilizado permite valorar o aspecto ecográfico e o tamaño das glándulas adrenais en vacas adultas.
© 2001-2024 Fundación Dialnet · Todos los derechos reservados