Se atendemos a indicadores de inadecuación na prescrición de antibióticos, de dispensación de antibióticos sen receta médica así como da utilización que os doentes fan deles, xogan un papel crucial diferentes actores: os médicos de atención primaria, os farmacéuticos de atención comunitaria e os propios doentes. A pesares de que todos os implicados son coñecedores de que ocorren estes fenómenos, non parece existir melloría nos últimos anos. Neste traballo identificamos con unha metodoloxía cualitativa, a través da técnica dos grupos focais, cales son os factores e actitudes que interveñen na utilización inadecuada de antibióticos nestes colectivos. Isto permítenos coñecer sobre que características conductuais nos debemos centrar para deseñar futuras intervencións encamiñadas a modificar os comportamentos que mais directamente interveñen no uso dos antibióticos; así como cuestionarios que nos permitan medir os coñecementos respecto aos antibióticos e as resistencias, para desta maneira contribuir a solucionar un dos retos mais importantes da saúde pública neste século: a emerxencia de xermes resistentes.
© 2001-2024 Fundación Dialnet · Todos los derechos reservados