Resumen de Detection of cannabis and psychotropic drug use by nail analysis. Comparison with hair
Na presente tese desenvolvéronse catro métodos analíticos para a detección de substancias en mostras de pelo e uñas mediante cromatografía líquida acoplada a espectrometría de masas en tándem (LC-MS/MS). Concretamente, desenvolvéronse e validáronse dous métodos para a determinación de seis compostos cannabinoides, un en mostras de pelo e outro en mostras de uñas; un método para a determinación de cinco fármacos antipsicóticos en mostras de pelo e uñas; e un método para a determinación de doce fármacos antidepresivos e benzodiacepinas en mostras de pelo e uñas. Ademais, recolléronse mostras emparelladas de pelo, uñas das mans e uñas dos pés de consumidores crónicos de cannabis e pacientes a tratamento crónico cos fármacos do estudo, e analizáronse cos métodos desenvolvidos. Os resultados obtidos foron comparados nas dúas matrices e coa bibliografía dispoñible ata a data.
