La llingua asturiana nel franquismu

• Autores: Inaciu Galán y González
• Directores de la Tesis: Xuan Carlos Busto Cortina (dir. tes.)
• Lectura: En la Universidad de Oviedo ( España ) en 2020
• Idioma: asturiano
• Tribunal Calificador de la Tesis: Ana María Cano González (presid.), Isabel Hevia Artime (secret.), Jaume Corbera Pou (voc.), Ramiro González Delgado (voc.), Alberto Gómez Bautista (voc.)
• Programa de doctorado: Programa de Doctorado en Investigaciones Humanísticas por la Universidad de Oviedo
• Materias:
  • Lingüística
    • Lingüística aplicada
      • Lengua y literatura
• Texto completo no disponible (Saber más ...)
• Dialnet Métricas: 2 Citas
• Resumen

  • Nel trabayu apúrrese una imaxe de la situación de la llingua asturiana nel periodu de la dictadura de Francisco Franco, qu’entamó en 1939, tres la fin de la Guerra Civil, y remató cola muerte del dictador en 1975. La tesis ábrese con un capítulu dedicáu a conocer la situación que vivía l’idioma asturianu enantes de la Guerra, mesmo nel ámbitu lliterariu, que social y, en xeneral, de vitalidá . Nel capítulu segundu faise un repás a la ideoloxía que’l franquismu construyó sobre la so idea d’España en rellación a les llingües del estáu y l’aplicación qu’ello tuvo na llexislación creada pa la xestión y represión d’esta realidá multillingüe.

    Darréu faise una descripción, con casos recoyíos pol autor al traviés d’entrevistes, de l’aplicación de la represión llingüística n’Asturies, que básicamente foi executada pente medies de les escueles. Dixébrase dempués el franquismu en trés etapes: años cuarenta y cincuenta, años sesenta y años setenta. En caún d’estos capítulos ábrese’l testu estudiando la situación xeneral del idioma y les iniciatives que-y diben dando presencia pública al mesmu. Nes trés etapes estudiáse a fondu’l posicionamientu y les acciones qu’en cada década llevó alantre l’Instituto de Estudios Asturianos (IDEA), la entidá fundada pol franquismu pal control de la cultura n’Asturies. Estudiáse tamién, en toles etapes, la situación de la lliteratura escrita n’asturianu, mesmo n’Asturies que nel exiliu.

    Nos años sesenta dedícase un capítulu a la nacencia del descontentu col IDEA que conlleva l’apaición d’Amigos del Bable. Yá na etapta final, la de la década de los setenta, que s’estudia hasta 1976, dedícase un capítulu a conocer la influyente revista de la dómina, Asturias Semanal. L’últimu capítulu dedícase a estudiar el procesu que lleva dende l’actividá d’Amigos del Bable, que nun cuestiona al réxime franquista, hasta Conceyu Bable, que ruempe cola concepción tradicional del idioma dende una oposición clara cola dictadura, pasando pela celebraciónes de la I y II Asamblea del Bable.