O subsistema de formación profesional para o emprego: os certificados de profesionalidade e a súa vinculación coa mellora da empregabilidade en Galicia

• Autores: Olaya Queiruga Santamaría
• Directores de la Tesis: Antonio F. Rial Sánchez (dir. tes.), María del Carmen Santos González (codir. tes.), Miguel Ángel Zabalza Beraza (tut. tes.)
• Lectura: En la Universidade de Santiago de Compostela ( España ) en 2018
• Idioma: gallego
• Tribunal Calificador de la Tesis: María del Mar Lorenzo Moledo (presid.), Luis Carro Sancristóbal (secret.), José Tejada Fernández (voc.)
• Programa de doctorado: Programa de Doctorado en Educación por la Universidad de Santiago de Compostela
• Materias:
  • Pedagogía
    • Teoría y métodos educativos
      • Teorías educativas
      • Enseñanza programada
    • Organización y planificación de la educación
      • Educación de adultos
      • Formación profesional
• Enlaces
  • Tesis en acceso abierto en:  TESEO  MINERVA 
• Resumen

  • En España, unha importante porcentaxe da poboación activa non conta cunha acreditación recoñecida da súa cualificación profesional. En consecuencia, isto supón, para estas persoas, unha maior dificultade de inserción e permanencia no mercado laboral. Debido á importancia e gravidade desta problemática e co fin de ofrecer solucións a esta situación, créanse, dentro do marco da política común europea en materia de emprego, os Certificados de Profesionalidade. Estes certificados, con validez en todo o territorio nacional, acreditan de forma oficial as competencias profesionais adquiridas para o desenvolvemento dunha actividade laboral con significación para o emprego.

    Nesta tese de doutoramento centrámonos nos Plans de formación dirixidos prioritariamente a persoas traballadoras desempregadas. Trátase dunha política activa de emprego que ten como obxectivo principal lograr a mellora da empregabilidade a través da oferta de formación que procura a adquisición, mellora e actualización permanente das competencias e cualificacións profesionais, co fin prioritario de potenciar a integración e reinserción das persoas traballadoras desempregadas no mercado laboral.

    O propósito deste traballo é avaliar o impacto, calidade e eficacia do Plan de accións formativas dirixidas prioritariamente a persoas traballadoras desempregadas na comarca de Santiago para o sector da construción. Trátase dunha investigación fundamentalmente descritiva na cal se analiza a inserción xerada por este tipo de formación, a calidade do proceso formativo e a adaptación da formación aos requirimentos do mercado laboral.