Resumen de Mo(vi), v(v), nb(v) eta ta(v)-aren zenbait hidrolisiri buruzko azterketak
Lan honen bitartez, VA eta VI Taldeetako zenbait metaleren hidrolisia aztertu da, prozedura desberdinak erabilirik. Lehenbiriz, Mo(VI) eta V(V)-aren hidrolisia modu teorikoan aztertu da Bromley-en eredu berriztatuaren bidez, bibliografiatik bildutako informazio gehiena oinarri gisa hartuz eta sortutako espezie guztien giro indar ionikoarekiko adierazpena proposaturik. Horrez gain, Mo(VI)-aren hidrolisia eta konplexazioa baldintza oso azidotan esperimentalki aztertu da neurketa espektrofotometrikoak erabiliz. Azterketa honen bidez lortutako informazioa tratatu eta gauzatu ahal izateko ordenadoretarako programa berriaren garapena behartu egin du, beraren ezaugarriak eta berezitasunak ere Tesi honetan deskribatu direlarik. Azkenik, Nb(V) eta Ta(V)-aren hidrolisia, hain ezezaguna denez gero, aztertu da laborategi honetan garatutako ohizko balorazio potentziometrikorako sistema automatizatua erabiliz.
Honen bestez, ondorio gisa, metal horien hidrolisietaz ikuspegi zabalagoa gertatu da, giro eta indar ionikoaren menpekotasuna modu erabilgarri batean adierazirik eta baldintza ez hain amankomunetan, zenbait metaleren protolizazioa eta konplexazioa aztertu da. Guztira, metal horien espeziazioa adierazteko erabili beharko diren espezie-multzoen formazio-konstanteen balore egokienak kalkulagarri gertatu dira.
