Apoptosian itzulerarik gabeko puntua MOMP da, zeinatan apoptosi-eragileak diren proteinak, esaterako c-zitokromoa edo SMAC/Diablo mitokondrioaren mintzarteko gunetik zitosolera askatzen diren. Prozesu hau BCL-2 familiako proteinek estuki erregulatzen dute. Hauen artean, lan honetan proapoptotikoa den BAK, MOMP-eragilea, eta antiapoptotikoa den MCL-1, MOMP-inhibitzailea, proteinen funtzioak mintzean aztertu dira, berreraikitako eredu sistemak erabiliz. Lan honetan, BAKen aktibazio mekanismoa sakonki aztertu izan da, bai lipido mitokondrial ezberdinek BAKen funtzioan duten eragina zein BAKek eratzen duen poroaren ezaugarriak eta honen parametro erregulatzaileak aztertuz. Bestalde, mintzak eta bereziki kardiliopinaren kantitateak, MCL-1en funtzioan eta egituran aldaketa nabarmenak eragin ditzaketela deskribatu dugu.
© 2001-2024 Fundación Dialnet · Todos los derechos reservados