Resumen de Onde abrolla o manancial: a paisaxe na raíz do ensaísmo galego
María López Sández, María Pilar Jiménez Aleixandre
Discurso lido no acto da súa recepción, pola ilustrísima señora dona María López Sández e resposta da excelentísima señora dona Marilar Aleixandre. O solemne acto académico en que foron lidos os dous discursos recolleitos no presente volume celebrouse o 11 de marzo de 2023 no Círculo das Artes de Lugo. A filóloga e escritora explora no seu discurso a relación da paisaxe cos inicios do ensaísmo galego e reivindica a descrición da natureza como parte esencial da necesidade da autorrepresentación colectiva. Préstalles unha atención especial aos autores lugueses dos anos 50, que foron parte destacada dunha xeración que construíu “unha obra coral” arredor da paisaxe.
