Resumen de Legionelosiaren prebentzio-kontrola EAE-ko arriskuko instalazioetan: laginak hartzeko gida
Yolanda Cuetos Tuñón, Koldo de la Fuente Campos, Inmaculada García-Robles, Nagore Irazabal Tamayo, Ana Jiménez Zabala, Pepa Maiztegi Gallastegi, Leire Martinez Etxebarria, Mónica Otazua Font
Uraren kalitatearen kontrola funtsezko alderdia da legionelosiaren prebentzioari dagokionez arriskuinstalazioen zaintza- eta jarraipen-eragiketen barruan. Laginketa-puntuen hautaketa, laginak hartzeko prozedura eta laborategiak jaso arteko zaintza emaitzen adierazgarritasunean eta kalitatean eragina izango duten alderdiak dira, eta instalazioak behar bezala kontrolatzeko eta behar bezala funtzionatzeko erabakiak hartzea erraztuko dute. Bestalde, laginketa-puntuen aukeraketa instalazioaren diseinuaren eta ezaugarri espezifikoen araberakoa izango da, bai eta instalazioaren arriskuak ebaluatzeko garrantzitsuak izan daitezkeen beste faktore batzuen araberakoa ere. Instalazioaren eskema hidraulikoa “in situ” aztertu behar da, eta haren puntu kritikoak bilatu behar dira, koloniak egoteko aukera gehien dauden puntuak, gehi sistemaren funtzionamendu egokiarekin bat datozenak.
