Xabier Eizagirre Gesalaga (ed. lit.), Joseba Iñaki Zabaleta Gorrotxategi (ed. lit.)
Joxe Azurmendiren pentsamendua ur-jauzi bat da. Zer ez du Azurmendik aztertu? Filosofia, politika, zientzia, teknika, historia, zuzenbidea, artea, gizartea, kultura, hizkuntza, ekonomia, literatura, erlijioa... Azurmendi filosofo, pentsalari eta idazle handi eta oparoa da. Bere ekarpena, sustraitua eta noranahikoa aldi berean eta halabeharrez. Beti euskaraz, beti euskaratik. Horregatik, Azurmendi oinarri, abiapuntu edo inspirazio iturri hartuta, kulturaz, nazioaz, estatuaz, gizabereaz, etikaz, politikaz, gizarteaz, kooperatibismoaz, hizkuntzaz eta pentsamenduaz egin dute gogoeta 52 euskal pentsalarik, 2019ko abenduko Joxe Azurmendi Kongresuan aurzkeztutako hitzaldiak idatzira ekarriz. Horrenbestez, Azurmendik berak iradoki bezala, pentsamenduaren ur-jauziak bere bidea egiten jarraitzen du.
© 2001-2024 Fundación Dialnet · Todos los derechos reservados