Resumen de Actas do I Congreso Internacional de Onomástica Galega "Frei Martín Sarmiento": Santiago de Compostela, 2, 3 e 4 de setembro de 2002
Luz Méndez (ed. lit.), Gonzalo Navaza Blanco (ed. lit.)
A Asociación Galega de Onomástica (AGOn) en 2002, coincidindo coa celebración do Día das Letras Galegas dedicado a Martín Sarmiento, organizou na Universidade de Compostela o I Congreso Internacional de Onomástica Galega “Frei Martín Sarmiento”. As actas recollen diferentes estudos sobre múltiples aspectos que fan referencia á onomástica. No congreso faise unha mención especial ao traballo realizado no Proxecto Toponimia de Galicia, iniciado dous anos antes. Na programación do congreso establecéronse cinco seccións temáticas: I Toponimia, II Antroponimia, III Os outros nomes, IV Onomástica literaria e V Padre Sarmiento, onomástico. Na terceira sección, baixo o epígrafe de "os outros nomes", pretendeuse chamar a atención sobre un campo pouco traballado pola investigación onomástica galega: o dos nomes propios que denominan, individualizándoas, entidades non humanas, tales como edificios, vehículos (nomeadamente barcos) ou animais, domésticos ou non. Coa sección V, e co título xeral do congreso, os organizadores quixeron sumarse ás homenaxes dedicadas nese ano ao sabio bieito, que foi o iniciador, hai dous séculos e medio, dos estudos de onomástica galega.
