Animaliak etxekotuta, funtsezko eraldaketa bizi izan zuten giza ekonomiaren oinarriek. Izan ere, espezie basatiak ehizatzean eta kontsumitzean zetzan ekonomia hutsetik ekoizpenean oinarritutako ekonomiarako jauzia ekarri zuen fenomeno horrek, eta guztiz eraldatu zituen ekonomia mota hori deskubritu edo onartu zuten komunitateen bizimoduak. Hastapenetik gaur arte, animalien etxekotzeak ezin ezabatuzko arrastoa utzi du gizakiaren historian. Erabat aldatu ziren giza jarduera guztiak. Beraz, gaur egun baditugu animalien etxekotzearen nondik norakoak azaltzeko moduko azterlanak, publiko zabalari, bereziki geure hezkuntza sistemaren maila desberdinetako ikasleei, dibulgaziozko izaera batez erakusteko moduko azterlanak.
© 2001-2024 Fundación Dialnet · Todos los derechos reservados