Resumen de Aproximacións á variación lexical no dominio galego-portugués
María Álvarez de la Granja (ed. lit.), Ana Isabel Boullón Agrelo (ed. lit.), Ernesto Xosé González Seoane (ed. lit.)
Este volume reúne unha selección de nove contribucións que analizan, desde perspectivas diferentes e con metodoloxías así mesmo diversas, aspectos relacionados coa variación lexical no galego, no portugués europeo e no portugués brasileiro. Os textos comparten, ademais, outro elemento común: o feito de partiren de traballos presentados en Gallaecia - III Congresso Internacional de Linguística Histórica, que se celebrou entre os días 27 e 30 de xullo de 2015 en Santiago de Compostela en homenaxe aos profesores Ramón Lorenzo e Antón Santamarina.
