Hazitegi ikertaldeak ume guztien garapen osasuntsua bermatzeko testuinguruen inguruan ezagutza garatzen dihardu aspaldidanik. Ikerketak esparru horretan egiten ditu, eta eraikitzen duen ezagutza unibertsitateko hasierako formakuntzara eta aholkularitzara eramaten du. Ezagutza hori artikulu, tesi, liburu eta hitzaldien bidez gizarteratzeko ahalegina ere egiten du. Jarduera hori guztia pasioz eta gure herriarekiko konpromisoz egiten du, ahalik eta koherentzia maila handiena mantenduz bere egitekoan. Horrek esan nahi du hezitzaileak ume guztien bidelaguna eta hain garapenaren bultzatzaile izan behar duela eta, horrenbestez, gauza bera egin behar dugula edozein eskolatara aholkularitza eskaintzera joaten garenean. Ez baikara joaten aditu moduan eskolari esatera zer, nola eta noiz egin behar duen. Gu haiekin batera prozesu guztiz dinamikoa den bide bat egitera joaten gara.
© 2001-2024 Fundación Dialnet · Todos los derechos reservados