Os decretos que regulan a ordenación e os currículos de educación infantil, primaria, secundaria obrigatoria e bacharelato na Comunidade Autónoma de Galicia establecen que os centros docentes deberán incluír dentro do seu proxecto educativo e funcional un plan de lectura e un plan de biblioteca. Esta normativa propón cambios de nomenclatura e engade unha novidade documental que é do interese dos equipos das bibliotecas escolares. Este artigo trata de recordar algunhas ideas básicas sobre en que consiste e para que serve cadanseu destes plans, e quizais sobre como abordar a súa revisión e/ou nova redacción.
© 2001-2024 Fundación Dialnet · Todos los derechos reservados