Resumen de Trans errealitatea gaur egungo hezkuntza sisteman: hezkuntza-profesionalen prestakuntza
Olatz Etxebarria Pérez de Nanclares, María Teresa Vizcarra Morales, Rakel Gamito Gómez, Ana Luisa López Vélez
Gizarte eraldaketaren adierazle da gero eta ikasle trans gehiago ditugula ikasgeletan, horregatik, lan honen interes-fokua hezkuntzako profesionaletan kokatzen da, ikasle transen beharrak identifikatu eta horiei erantzuna emateko gaitasuna, tresnak eta oztopoak aztergai direlarik. Ikerketa hau aurrera eramateko ezarri diren oinarri teorikoak eta aurrekariak, helburuak eta metodoa aurkeztuko dira, eta aurrerago hezkuntza ikerkuntzaren paradigma kritikoan kokatutako ikerketa enpirikoa garatuko da. Oinarri teorikoak finkatzeaz gain, berrikusketa teorikoa burutuko da. Bigarren fasean, egonaldi internazionalean Pre-Texts metodologia inplementatuko da. Aldi berean, hezkuntza komunitateko partaideei berrikusketa teorikoan zehaztutako eremuen inguruan egindako elkarrizketak burutuko dira. Lehen faseko emaitzak artikulu batean argitaratu dira eta gainontzekoak interpretazio fasean daude. Emaitzen arabera, badirudi eskola ez dagoela prest ikasle hauen beharrei erantzuteko. Eskola giroa ez da aproposena eta irakasleen formakuntza falta nabaria da. Zenbait espazio oraindik genero bidez sailkatzen ditugu transen egunerokotasuna baldintzatuz. Beharrezkoa ikusten da ikasle bakoitzaren garapen osoa eta askea bermatzen duten metodologia berritzaileen erabilpena.
