No propio título deste breve ensaio translocen cales son as cuestións que, hoxe igual que hai décadas, ten a vella capital do convento xurídico lucense. O noso propósito é chamar a atención de xeito sintético pero diáfano (ou iso intentamos) sobre os dous problemas fundamentais que se presentan cando falamos do Lugo romano: por unha banda, a súa investigación arqueolóxica e histórica como grande documentomonumento que é, isto é como fonte arqueolóxica de enorme entidade e valor para coñecer e entender unha das etapas claves da historia de Galicia, a galaico-romana; e por outro lado, os problemas que plantea a súa conservación, protección e utilización como conxunto patrimonial único neste país e que, como logo se dirá, non se reduce a un monumento abondo coñecido como a muralla, senón que conforma un acervo arqueolóxico de grande transcendencia social, cultural, educativa e, porque non, tamén turística e, ó cabo, económica.
© 2001-2024 Fundación Dialnet · Todos los derechos reservados