Resumen de Euskara Lanbide Heziketan
Euskarak La Salle-Berrozpe Ikastetxean Lanbide Heziketan duen lekua zein den azaltzeaz gain, gaiaren inguruko hainbat kezka eta galdera azaltzen dizkigute Helena Artanok eta Jon Iartzak artikulu honetan. Hizkuntza normalizatzeko ahaleginetan hainbat urrats eman dituzte ikastetxean, eta ahalegin horretan hainbat zailtasunekin topo egin dute: materialgintza dela, lan-munduko eskaera dela, eta abar. Beraien esperientziatik abiatuta, gaiaren inguruan izan diren aurrerapausuen berri ere ematen digute. Zuzendaritza Taldearen lana da Euskarako Normalkuntza Batzordearen lana sustatzea, batzordekideak zaintzea; irakasleak animatzea eta euskaraz edota euskararen inguruko hobekuntzaren bat egiten dutenean saritzea. Ez da erronka makala.
