Resumen de Sentido de pertenza e neurodiversidade
Unha feliz viaxe pola vida, foi o lema do 13.º Congreso Internacional de Autismo Europa, xullo 2022, en Cracovia (Polonia). O Día Mundial de Concienciación sobre o Autismo (DMCA), abril 2023, tivo como obxectivos a sensibilización e concienciación sobre o TEA, a través do slogan: “Autismo.
Chamémolo polo seu nome”. Neste artigo, queremos acompañar o autor, Steve Silberman, a través da súa obra: Unha tribo propia. Autismo e Asperger: outras maneiras de entender o mundo, así como a autora Judy Singer, no recoñecemento de que as diferenzas en neuroloxía deben ser recoñecidas e respectadas como unha categoría social, para chegar ao concepto de neurodiversidade.
