Gure oroitzapen kulturalean toki bat har dezan P.Vilar-ek Euskal Herriarekiko edukitako jokabide erdi-ixil eta desinteresatuen lekukotasunak plazaratu nahi izan ditugu. Historialari zientifiko ospetsuak Espainiako Estatuko nazio eta nazionalitateak bereziki aztertu zituen. Ondorioz Espainia konfederatuaren proposamena egitera ailegatu zen. Katalunia izan zuen bere begiko ninia. Ederreste hori ezaguna da historiagileen giroetan. Baina gure lekukotasunen helbura Euskal Herriaren alde Pierrek eramandako hainbat ekimen eta aitorpenek gurekiko zuten maitasuna eta konbentzimendu intelektuala ez zirela gutxiago eta eskasago agertzeko izan da. Gogora dezagun, besteak beste, Punto y Horari emandako elkarrizketa batean adierazi zuena: Òeuskal errealitatea hain da garbia, non egunen batean nazionalitate izango baita, estatu bat eskatzeraino...Ó.
© 2001-2024 Fundación Dialnet · Todos los derechos reservados