No eido pedagóxico-didáctico non é algo novo debater sobre situacións de aprendizaxe, mais cobrou relevancia na actualidade ao abeiro do marco educativo xerado pola LOMLOE. Unha situación de aprendizaxe vén sendo unha unidade elemental de traballo na clase que inclúe integral e contextualizadamente tarefas e actividades de diversas áreas. De acordo co enfoque competencial dos novos currículos, o profesorado planificará e deseñará situacións de aprendizaxe que contribúan ao desenvolvemento de competencias no alumnado, que o motiven e sexan do seu interese, convidándoo a informarse, experimentar, investigar... para resolver problemas, retos, propostas...; situacións de aprendizaxe que deben ser flexibles e adaptables en función da avaliación continua.
© 2001-2024 Fundación Dialnet · Todos los derechos reservados