Resumen de Gerraren humanizazioa: Manuel Iruxo
II. Errepublikako belaunaldian, hainbat lege-gizon izan zituen EAJk lehen mailako politikarien artean; horietatik bi dira bereziki aipagarri: Manuel Iruxo eta Jesus Maria Leizaola. Legearen, zuzenbidearen eta justiziaren zentzuan edota esanahian sakondu zutelako gogoratzen ditugu, eta, praktika juridikotik harago, zuzenbidearen nondik-norakoaz hausnartu eta idatzi zutelako. Iruxori lotuko zaio artikulua kasu honetan, Gerra Zibilaren garaian, Justizia arloaren arduradun izan baitzen Iruxo Errepublikaren Gobernuan, 1937ko maiatzaren 7tik urte bereko abenduaren 11ra arte. Justiziaren arloan itzal handiko gizona izan zen, Gerra Zibila humanizatzeko ahaleginagatik guztiz aipagarri; izanez ere, Iruxoren pentsamoldea eta ibilbide politikoa behar bezala ulertzeko, bi ezaugarri nagusi hartu behar dira kontuan: haren kristau sinesmena eta haren legelari izaera.
