Resumen de Gerra Zibila Euskal Herrian euskal zinemaren bitartez
Lehenengo Eusko Jaurlaritzak iraun zuen bederatzi hilabete eskasetan eta Bizkaia etsaiek ia guztiz inguratuta zegoela, propaganda zinematografiko xume baina benetakoa sortu zuten, armek ez ezik, irudiek ere nazioartean Gerra Zibilari buruzko iritzia Errepublikaren aldera erakartzeko. Urte haietan gertatutakoak euskal zineman hainbat pelikularen inspirazio iturri izateko balio izan zuen. Gatazka belikoaren lehenengo ahalegin propagandistiko haietatik Francoren diktadurapean derrigortutako isiltasunera pasatu ziren, ondorengo berpizte demokratiko batera iritsi aurretik. Euskadin Gerra Zibilak pantailetan izan duen isla aldakorra guztiz baldintzatu dute garai historiko bakoitzak eta hari lotutako askatasun mailak. Hori guztia gainbegiratzea da nire artikuluaren helburu apala.
