Kartzelan fusilatua izan aurretik, Estepan Urkiaga "Lauaxeta" poetak idatzi zituen olerkien edizio kritikoa burutzeko aurrelana egin da saio honetan. Urteak joan dira Santi Onaindiak espetxeko olerkien lehen argitalpena egin zuenetik 1974an, "Olerkiak" izeneko liburu gogoangarrian, baina Lauaxetaren poesia horien edizioak zer hausnartua ematen du oraindik. Frankismoaren hondarrean eginiko edizio hartatik beste zenbait heldu dira, baina edizio kritiko zehatza egiteke dugu oraindik. Izan ere, Lauaxetaren azken olerki horien bertsioen artean ezberdintasun nabariak daude. Artikuluaren egileak Abertzaletasunaren Agiritegian, Sabino Arana Kultur Elkargoak gordetzen dituen kartzelako poema haien eskuizkribuak konparatu ditu argitaraturiko bertsioekin eta euren arteko aldeak aztertu ondoren, zenbait irakurketa-hipotesi proposatu ditu, lehentasuna emanik olerki horiek Lauaxetak idatzi zituen bezala argitaratzeari eta denon eskuetan jartzeari.
© 2001-2024 Fundación Dialnet · Todos los derechos reservados