Resumen de Gerlariak idazle: gerrako hainbat autobiografia eta testigantza euskaraz
Artikulu honetan irakurleak aurkituko du euskaraz idatzitako sei kontakizun autobiografikoren inguruko azterketa. Aukeratutako narrazio guztiek partekatu zuten gai bera: Gerra Zibileko gertaeren testigantza samina. Narratiba autobiografiko horietan, egileek oso garbi plazaratu zituzten Gerra Zibilak ekarri zizkien atsekabe, zentzugabekeria eta garraztasuna. Jakina da narrazio autobiografiko guztiek euren baitan itsatsiak gordetzen dituztela hainbat tirabira; besteak beste, maila metodologiko, epistemologiko zein politikoak; eta horiek aztertu nahi izan ditu egileak, aipaturiko sei autobiografiak ardatz gisa hartuta.
