Resumen de Iban Zalduaren ipuingintza: guda eta gatazka
Iban Zalduaren literatur ibilbideko lanal laburki aurkeztu ostean, euskal gatazkaren inguruko fikzioak haren narratiban eta saiakeretan duen presentzia erabatekoa aztertuko da artikulu honetan. Euskal gatazkaren inguruko zenbait narrazio esanguratsuren hurbilpen kritikoa burutuko da ondoren, gaia lantzerako orduan egilearen narratibako ezaugarri nagusienak zedarritzeko asmoz. Bestalde, Gerra Zibilaren eta gudarien gaiak Zalduaren ipuingintzan duen lekuaz jabetzeko, "Inon ez, inoiz ez" ipuin bildumako "Gerra Zibilak" narrazioa sakon aztertuko da eta kontakizun horretan euskal gatazkak duen garrantziari tira eginaz, "Zelula lokartua" ipuinarekin erkatuko da elkarrekin dituzten loturak aintzat hartuz.
