Resumen de Durangoko plateruak
Zer da memoria, zer da tradizioa, zer da historia, zer da betikoa? Gernikako arbolaren egilea nor zen badakigu. Nor ote zen Agur Zuberoarena, Ogi zeruotikena, Agur Jaunak, Boga-bogarena, Agur Jesusen Ama, Egun da Santi Mamiñarena? Usu paper arteko hautsetan gordeta, ezkutuan eta lozorroan egon egonean egoten dira altxor preziatuak eta eskura nahi genituzkeen zitak, izenak, tesiak, bertsoak, dantzak, kantuak … Halandaze “Ator, ator mutill” kantua Azkue handiak batu zuen Otxandion eta Cancionero Popular Vasco lanean argitaratu zuen. Horrela hasi ginen Durangoko Plateruen berri izaten.
