Euskal kulturaren berpizkundearen hamarkada izan zen 60koa. Gerediaga Elkarteak Euskal Liburu eta Disko Azoka antolatu zuen lehen aldiz Durangon 1965ean. Hurrengo urtean Rikardo Arregik Alfabetatze saila eratzea proposatu zion Euskaltzaindiari.
1968an berriz, Euskaltzaindiak batzar bat egin zuen Arantzazun Euskara Batuaren auziari helduz. Batasunaren aldarrikapena Astolan egitea erabaki zen, Durangoko Azokarekin batera. Sasoi berean eskualdeko lehenengo ikastolak klaseak ematen hasi ziren Durangon, Elorrion eta Iurretan.
1969. urtean Lur argitaletxea sortu zen euskal gaietako liburuak plazaratzeko eta alfabetatzen zen jendeari zer irakurria emateko.
Jerardo Elorzak izendatu zuen bezala, 60ko hamarkada erein aroa izan zen, gerora etorritako gauza asko orduan botatako hazitik sortu baitziren.
© 2001-2024 Fundación Dialnet · Todos los derechos reservados