Santiago de Compostela, España
A angúia europea [Anguilla anguilla (Linnaeus, 1758)] é unha especie catádroma cunha poboación panmíctica europea que sufriu un drástico declive nas últimas décadas. Este estudo tivo como obxectivos a caracterización da poboación e a pesquería de anguía no estuario do río Ulla, o complexo Umia-O Grove e na ría de Arousa(NO de España), e investigar se esta pesquería se axusta ás regulacións de pesca aplicadas para alcanzar unha explotación sostible do recurso. As anguías foron capturadas usando butróns en mostraxes realizadas polo grupo de investigación ou por parte de pescadores comerciais en xullo de 2017. Tamén se realizaron enquisas a pescadores e maioristas. En total examináronse 772 anguías. Rexistráronse diferenzas significativas entre o estuario do Ulla (zona de pesca) e o complexo Umia-O Grove (área vedada) nas capturas por unidade de esforzo e na lonxitude total, peso e factor de condición das anguías capturadas. Os resultados das enquisas suxiren que existen diversas prácticas ilegais que reducena a efectividade das medidas aplicadas para a conservación e explotación sostible desta especie ameazada e evidencian a necesidade dun control da pesca máis estricto e eficaz
© 2001-2024 Fundación Dialnet · Todos los derechos reservados