Resumen de Harmonizando tradición e conservación : regulación pesqueira da angúia [Anguilla anguilla (Linnaeus, 17589] nos caneiros de Portomarín (Lugo)
Sandra Barca, Rufino Vieira Lanero, Sergio Silva, Javier Sánchez Hernández, David José Nachón, M. Carmen Cobo, María J. Servia, Fernando Cobo Gradín
Na bacía do Miño-Sil existe unha importante cantidade de biomasas de anguía confinada en diferentes cursos de auga como consecuencia da forte fragmentación da rede hidrográfica ocasionada polos encoros e pola captura, por parte da Administración e de grupos ecoloxistas, de anguías retidas na presa de Frieira para soltalas despois augas arriba, onde non teñen ningunha probabilidade de contribuir ao escape cara ao mar. O cumprimento do Regulamento (CE) nº 1100/2007 do Consello Europeo no que se dan as directrices para a elaboración de plans de recuperación para toda a poboación de anguía europea, sobre o transporte de anguías dende augas interiores, pódese levar a cabo na conca alta do Miño grazas á colaboración coa Asociación "O Carrual", a través do plan de aproveitamento e de regulación pesqueira dos caneiros de Portomarín, pois doutro xeito, sería moi difícil a captura da abundante poboación relicta que aínda queda na parte alta do Miño
