Pensando na nosa traxectoria, ao longo destes cursos fomos coñecendo a importancia da oratoria na formación do noso alumnado grazas á participación nos programas de Radio na Biblio e Biblioteca Creativa, así como nas Xornadas de Bibliotecas Escolares, os Encontros Plambe... A formación recibida por parte de profesionais que implica participar nestes proxectos axudounos a darnos conta da importancia que ten a expresión oral na formación da rapazada. A linguaxe é o instrumento co que a persoa se expresa; polo que falar con corrección é moi importante. A fluidez verbal, a elocuencia, o ritmo, o ton, as pausas, son fundamentais para conseguir comunicar con éxito e facer aflorar sentimentos.
© 2001-2024 Fundación Dialnet · Todos los derechos reservados