Resumen de Gatazka armatuetako genero-zapalkuntzak: hurbilketa feminista Eider Rodriguezen narraziogintzara
Irakurketa feministak eskaintzen dizkigun lanabesak oinarritzat hartuta, generoa, hitzarmen sozialak eta heteroaraua, gorpuztasuna eta maitasun erromantikoa bezalako kontzeptuei erreparatuko diegu, hau da, kontzeptu horiek nola islatzen diren testuetan eta zein eragin daukaten genero-kokapenean. Gatazka armatua zutabe sendoa da Rodriguezen narrazio askotan, eta emakumezko protagonistak konfliktoaren atzean irudikatzen dira, itzalpean. Hori dela eta, ezinbestekoa iruditzen zaigu haien kokapena aztertzea eta baita fikziozko lanetan arau sozialen, kulturalen eta ideologikoen aurrean emakumeei eskaintzen zaien edo beraiek hartzen duten jokaera azaltzea ere
