Resumen de Irakasleen zaintza
Iazko ikasturtea irakasleen zaintzaren inguruko hausnarketa eginez bukatu zuen Hik Hasik. Nekea zen ekainean gehien entzuten zen hitza, eta horren azpian zegoenaz hitz egin eta hausnartu nahi zuen. 2020-2021. ikasturteko bizipenak, esperientziak, protokoloen artean egindako ahaleginak, bidean geratutako erronkak, ezinak, bildutako indarra, alderdi akademikoa eta emozionala uztartzeko nahia, ikasleak zaintzeko ardura pisutsua... dena atera zen irakasle eta zuzendarien ahotatik. Eta baita ikasitako lezio nagusi bat ere: besteak zaintzeko, nork bere burua zaindu behar duela. Hori esatetik egitera pasatzeko, ordea, heldulekuak eta praktikak behar dira. Horiek identifikatuz bukatu zen hausnarketa uztailean. Orain, urrian, martxan jartzeko unea da.
