Resumen de Doazón da biblioteca de Manuel Carballal Lugrís: Menciña para o patrimonio
Sonia Seco Lanzós, Andrea Fernández Arcos
En xullo de 2020, a ESCRBCG (Escola Superior de Conservación e Restauración de Bens Culturais de Galicia) recibiu a doazón dunha boa parte da biblioteca persoal de don Manuel Carballal Lugrís por parte da súa familia. Unha gran honra para este centro, que triplica os seus fondos, ao tempo que obriga a reformular os obxectivos iniciais previstos para a biblioteca, sumando novos e interesantes desafíos. Este reto supuxo tamén a experiencia de coñecer un pouco este médico apaixonado pola arte e polos libros.
