Euskara berreskuratzeko prozesuan hezkuntzaren garrantziaz jabeturik, Nafarroan euskarazko irakaskuntzaren arautze prozesua zertan joan den azaltzen digu Mikel Arregik artikulu honetan. Datuen ikuspegi orokorra izateko, gainera, ereduen bilakaera zein izan den ere erakutsi digu taulen bidez. Ondoren, Nafarroan Hezkuntza Politikaren ildoa nondik nora doan azaltzen da bertan. Hizkuntzaren normalizazioa oztopatu nahi dutenek, euskararen aldeko bilakaera ikusirik, gizartearen aldeko jarrera eten behar zela erabaki, eta 1998an abiaturiko kanpaina mediatiko oso egituratua gogorarazten digu egileak. Etorkizunera begira, ordea, hizkuntzaren normalizazioa bilatu nahi dutenen erronka nagusiak zein izan behar diren nabarmentzen da lanaren amaieran: euskarazko irakaskuntza ziklo guztietan ikasteko eskubidea bermatzea; eremu ez euskaldunean, irakaskuntza publikoan euskaraz ikasteko eskubidea eta legeztatu gabe dauden ikastolen egoera bermatzea, etorkinak D eredura erakartzea, etab
© 2001-2024 Fundación Dialnet · Todos los derechos reservados