Resumen de Baiona-Donostia eurohiria eta euskara
Iritzi-artikulu honetan, eurohiriaren kontzeptua azaltzeko argibideak ematen dizkigu Jokin Apalategik; kontzeptu hori darabilgunok esanahai bera adierazteko darabilgun jakitea da bere kezka, hain zuzen ere. Hiri kontzeptuen definizioetatik abiatuta, eurohiria antolatu nahi duenak greziar ikuspegitik hurbilago egon beharko lukeela diosku. Hiriaren bigarren kulturarekin, Erdi Aroan, arazo larri bat nabarmentzen du egileak: estatuen nazio proiektuekin, alegia, hizkuntzen diskriminazioa eta jazarpena etorri zirela. Geroztik, euskaldunok hainbat okupazio eraiki dugu gure lurraldean, baina alor orokorra frantsesarena eta gaztelerarena izan da. Eurohiriaren eragileei, bada, hasteko eta behin, estatuek izan duten jokabide horren ageriko gaitzespena eskatzen die artikuluaren egileak, eurohiriak hizkuntzen sostengu plan bat bidera dezan. Amaitzeko, elehirudun formazioa hedatzeko proiektuez duen iritzia ematen digu, poza eragiteaz gain kezka ere sortzen baitio zein eredu proposatzen den ikusteak.
