Resumen de O papel da muller na comunidade mariñeira tradicional
«Mar» e «muller» son dous termos que na Galicia mariñeira e no decurso da historia se presentan unidos para quen saiba miralos. Mágoa que ata datas moi recentes as mulleres nunca foron consideradas como axentes importantes nos procesos históricos. O mesmo lle ocorría á historiografía mariñeira, cualificada como a irmá cincenta se a comparamos coas historias política, social e demográfica. Afortunadamente, tanto a primeira formulación como o baleiro bibliográfico da segunda xa foron corrixidos, pero avanzar no camiño non foi doado, senón que esixiu remar contra corrente.
