Resumen de Historias vikingas: implementando proxectos interdisciplinares dende a perspectiva de xénero na formación inicial de mestras e mestres
María José Caamaño Rojo, Carol Gillanders, Sara Domínguez Lloria
O traballo presenta unha proposta didáctica interdisciplinar dende a perspectiva de xénero realizada no presente curso 2018-2019 co alumnado do Grao en Mestre/a de Educación Primaria da USC. Consistiu na elaboración e representación dun musical dirixido a alumnado de 1º a 3º curso de Educación Primaria e realizouse coordinadamente dende tres materias obrigatorias cursadas polos mestres e mestras en formación: Música na Educación Primaria, Ensino e Aprendizaxe de Competencias Comunicativas: Lingua e Literatura Castelás e Educación Visual e Plástica I: Contextos e Metodoloxía Artística. A proposta conxugou o traballo interdisciplinar coa perspectiva de xénero, pois o alumnado do Grao debía facer unha indagación sobre o papel da muller na sociedade vikinga, a partir do cal elaborar o fío argumental da obra musical que se representou ante o estudantado de Educación Primaria.
