2018ko azaroan Euskal herri osora hedatu den ariketa sozialari esker, eta urte bat lehenago Baiona-Angelu-Miarritze hiri-eremu ultra diglosikoan egindako beroketari esker, euskararen erabileraren gaia mahaigaineratu da Ipar Euskal herrian ere. Azken mende erdian, indarrak hizkuntzaren transmisioan metatu dira. Orain, segida logikoa den erabilerari begira jartzen hasiak dira euskalgintzako eragileak. Baina ez dute bide samurra. Norbanakoentzat erabileraren gaiak kausa psikosoziologiko korapilatsuak ditu eta kolektiboki helduleku gutxi dugu horien askatzeko. Lapurdi, Baxe Nafarroa eta Zuberoko errealitatetik abiatuta, erabileraren aroa zabaltzeko giltza batzuk aztertuko ditugu ondoko lerro xumeetan.
© 2001-2024 Fundación Dialnet · Todos los derechos reservados